Италиянинг “Наполи” клуби бош мураббийи Дженнаро Гаттузо декабрь ойида жамоани қабул қилиб олган вақт, жамоа А Сериясидан тушиб кетадиган даражага келиб қолганини тан олди.
"Бизни бу мавсумда узоқ йўл кутиб турибди. Ҳар биримиз профессионал бўлишимиз керак, ўз ишимизни ҳурмат қилишимиз керак ва сўнгги кунгача жамоа билан бирга қолишимиз шарт. “Наполи” А Сериядан тушиб кетадиган даражада келиб қолганини билгандим, ўйлашимча, ҳатто футболчиларимиз ҳам биз қанчалик хавф остида эканлигимизни тушунишмаганди", — Гаттузонинг сўзларидан иқтибос келтирмоқда Football-Italia.
"Мусобақа якунида камида 40 очко жамғаришимиз кераклигини айтганимда, айнан шуни назарда тутган эдим. Биз жуда ёмон машғулот ўтказардик, босим жуда юқори эди. Ўйлайманки, энди ҳаммамиз қаттиқ меҳнат қилишимиз ва бир биримизни ҳурмат қилишимиз муҳимдир. Кўрамиз якунда қандай натижага эришарканмиз"
