Italiyaning “Napoli” klubi bosh murabbiyi Djennaro Gattuzo dekabr oyida jamoani qabul qilib olgan vaqt, jamoa A Seriyasidan tushib ketadigan darajaga kelib qolganini tan oldi.
"Bizni bu mavsumda uzoq yo‘l kutib turibdi. Har birimiz professional bo‘lishimiz kerak, o‘z ishimizni hurmat qilishimiz kerak va so‘nggi kungacha jamoa bilan birga qolishimiz shart. “Napoli” A Seriyadan tushib ketadigan darajada kelib qolganini bilgandim, o‘ylashimcha, hatto futbolchilarimiz ham biz qanchalik xavf ostida ekanligimizni tushunishmagandi", — Gattuzoning so‘zlaridan iqtibos keltirmoqda Football-Italia.
"Musobaqa yakunida kamida 40 ochko jamg‘arishimiz kerakligini aytganimda, aynan shuni nazarda tutgan edim. Biz juda yomon mashg‘ulot o‘tkazardik, bosim juda yuqori edi. O‘ylaymanki, endi hammamiz qattiq mehnat qilishimiz va bir birimizni hurmat qilishimiz muhimdir. Ko‘ramiz yakunda qanday natijaga erisharkanmiz"
