Каталония супер клуби бош мураббийи Кике Сетьен “эл-класико”даги мағлубият ҳақида фикр билдириб ўтди.

Ўйлашимча, биз бугунги учрашувнинг биринчи бўлимини жуда яхши ўтказдик. Рақибларимиз эса, иккинчи бўлимда фаол бўлишди. Аслида иккинчи бўлимни ҳам яхши бошлаган эдик, бироқ кейин  ноаниқ узатмаларни амалга оширишин бошлаб юбордик. “Реал”ни ғалаба билан қутлайман.

Баъзан ўйнашга ҳаракат қилган учрашувларда мағлубиятга учраш нормал холат. Айниқса, рақиб сенга майдонда бош зона қолдирмасликка бор кучи билан ҳаракат қилса, исталган жамоа қийналади. “Реал Мадрид” футболчиларининг майдондаги меҳнати таҳсинга сазовор.

Месси жуда муҳим ўйинч, бироқ биз фақат биргина футболчига боғланиб қолган жамоа бўлмаслигимиз лозим. Афсуски, бугун  Месси ёлғизланиб қолди ва бир ўзи учрашувни ютиб бера олмади. Шунга қарамай, бугунги мағлубият катта аҳамият касб этади деб ҳисобламайман. Улар фақат бир очкогагина биздан олдинда. Барчаси ўзгариб кетиши мумкин.