Олий хоккей лигасининг плей-офф босқичи ҳисобланган Петров кубоги мусобақасида чорак финал жуфтликлари аниқ бўлди. Жамоалар мунтазам чемпионатдаги натижалари асосида ўринларга тақсимланишди. "Ҳумо" эса бу рейтингда сўнгги — 8-ўринда қайд этилди.

1. «Звезда» (Москва)
2. «Динамо» (Санкт-Петербург)
3. «СКА-Нева» (Санкт-Петербург)
4. «Рубин» (Тюмень)
5. «Югра» (Ханти-Мансийск)
6. «Барс» (Қозон)
7. «Нефтяник» (Альметьевск)
8. «Ҳумо» (Тошкент)

Энг юқори рейтингга эга бўлган жамоа энг қуйи жамоага қарши тўқнаш келса, 2-ўрин эгаси 7-поғона билан жуфтлик ҳосил қилди ва ҳоказо.

Натижада қуйидаги жуфтликлар юзага келди:

«Звезда» — «Ҳумо»
«СКА-Нева» — «Барс»
Ўйинлар 11, 12, 15, 16, 19*, 22* ва 25* март кунлари ўтказилади.

«Динамо» — «Нефтяник»
«Рубин» — «Югра»
Ўйинлар 12, 13, 16, 17, 20*, 23* ва 26*март кунлари бўлиб ўтади.

Изоҳ: * - бу санадаги ўйинлар фақат эҳтиёж туғилганда ўтказилади.

Чорак финал ўйинлар серияси 4та ғалабагача давом этади. "Ҳумо" дастлабки 2та ўйинни 11 ва 12 март кунлари Москвада ўтказса, кейинги 2та учрашув 15 ва 16 март кунлари Тошкентда бўлиб ўтади.