Беларусь футбол федерацияси (АБФФ) 2020 йилги миллий чемпионат ўз вақтида бошланишини маълум қилди. Шунингдек, учрашувларга мухлисларнинг киришига тўсқинлик қилинмайди.
Шу билан бирга АБФФ мамлакатдаги эпидемиологик ҳолатни диққат билан кузатиб боради ҳамда эҳтиёж туғилса, керакли чораларни кўради.
Мавсумнинг илк ўйинлари 19 март куни бўлиб ўтади. «Энергетик-БГУ» ўз уйида БАТЭни, «Шахтёр» эса «Торпедо-БелАЗ»ни қабул қилади.
Эслатиб ўтамиз, ўзбекистонлик Жасур Яхшибоев ва Шаҳбоз Умаров «Энергетик-БГУ» шарафини ҳимоя қилишади.