Ҳаётингизда бирор мақсад етиб бўлмайдигандек кўринса ва бундан умидсиз бўлсангиз бугун соат 19:00дан бошлаб Футбол ТВни кўринг. Иложисиз ишнинг ўзи йўқлигига амин бўласиз!

"Барселона" - ПСЖ

Биринчи ўйин ҳақида бироз тўхталгандим. Буниси ҳақида ҳам қисқача ёзаман.

Ўйиндан аввал "Барселона" максимал равишда мавжуд босим йўқотиш ҳаратида бўлди. Энг тўғри қарорлардан бири Луис Энрике мавсум якунида клубни тарк этишини эълон қилди. Бу эса мураббийга ҳам, футболчиларга ҳам ўзини олдиндаги учрашувда анча эркин ҳис қилиш имконини берди.

Баҳснинг аввалидаёқ Эмери ўта қўрқоқ тактика танлагани сезилиб қолди. Ҳимоячиларнинг хатосидан сўнг Суарес 3-дақиқада ҳисобни очгач, тайм якунида автогол боис умид учқунлари пайдо бўлди. Иккинчи голда Андрес исмли даҳонинг хизматлари катта.

Неймартайм. Ҳа, иккинчи бўлимни тўлиқ бразилияликнинг бенефиси сифатида эътироф этиш мумкин. Дастлаб у Месси учун пенальти ишлаб берди. 3:0. Орада бир гол уриб олган парижликлар бироз ўзига келгандек эди, аммо, бу 88 дақиқагача давом этди.

88. Неймар жарима зарбасини идеал тарзда амалга оширди. Гол.
90+1. Неймар 11 метрлик нуқтадан янглишмади. Гол.
90+5. Неймардан супер узатма. Серхи Роберто! 6:1 - гейм, сет, матч! Даҳшат!

Хуллас, бу ўйинни кўриш керак!

Футбол ТВ. 19:00.
"Барселона" - ПСЖ