Ушбу рукнимиздаги энг сўнгги янгиликлар билан таништиришда давом этамиз.
Коутиньо “Челси”га ўтиши мумкин
Таниқли “Маrcа” нашри берган хабарларга суянадиган бўлсак, Бразилия терма жамоаси аъзоси Коутино ёзда “Челси” клубига ўтиши мумкин.
Айни дамда ижара асосида “Бавария”да ҳаракат қилаётган футболчи учун Католиния клуби 80 миллион евро талаб қилмоқчи.
Манбанинг маълум қилишича, “аристократлар” аллақачон футболчининг агенти билан учрашишга ҳам улгурган.
“Эвертон” Бернардни сотади
Аввалроқ Англиянинг “Эвертон” клуби ўз ярим ҳимоячиси Бернардни трансферга қўйиши ҳақида хабар берган эдик.
Бугун “Рома” ярим ҳимоячис борасида расмий таклиф билан чиқди. Ливерпуль шахри клуби ўз футболчисини 18-20 миллион евродан камига қўйиб юбормаслигини расман эълон қилди.
Эслатиб ўтамиз, Бернард ва “Рома” устози Пауло Фонсека аввал “Шахтёр” клубида бирга фаолият олиб боришган.
“Арсенал”дан ўзгача юриш
“Athletic” нашри берган хабарларга қараганда, “кононирлар” ёзда “Манчестер Юнайтед” ярим ҳимоячиси Жесси Лингардни ўз сафига қўшиб олмоқчи.
Сўнгги пайтларда ўйин амалиётисиз қолиб кетаётган Лингард ҳам АПЛда қолиш мақсадида “Арсенал”га ўтишга қарши эмас.
“Арсенал” Жессининг трансфери учун 20 миллион евро ажратишни режа қилмоқда.
“Сити” Савични ортга қайтармоқчи
Британия нашрларининг маълум қилишича, “Манчестер Сити” ёзда марказий ҳимоячи сотиб олишни режа қилмоқда.
Маълумотларга қараганда, жамоа шортлистида “Атлетико Мадрид” ҳимоячиси Стефан Савич ҳам бор. Савичнинг трансфер нархи 30 миллионга баҳолангани боис, “шахарликлар” уни сотиб олиши мумкин.
Элсатиб ўтамиз, Савич 2011/12-йилги мавсумларда “Манчестер Сити” шарафини ҳимоя қилган.
Шакири Россияга йўл олиши мумкин
Англиянинг “Ливерпуль” клуби ярим ҳимоячиси Шердан Шакири ёзда Москванинг ЦСКА клубига ўтиши мумкин.
“Blick” нашри берган хабарларга қараганда, “армиячилар” “Ливерпуль”га Шакири борасида расмий таклиф билан чиқишган.“Ливерпуль” ўз вингерини 30 миллион евродан камига қўйиб юбормоқчи эмас.
Эслатиб ўтамиз, Шакири билан “Рома” ва “Севилья” жамоалари ҳам қизиқиб қолган.
