Испанияда мавсум муддатидан олдин якунланадиган бўлса, Мадриднинг "Атлетико" клуби жадвалда 6-ўринни эгаллаб турганига қарамай, келаси мавсумда Европа чемипонлар лигасида иштирок этиши мумкин.
"COPE" тарқатган хабарга кўра, УЕФА Диего Симеоне жамоасига тўғридан-тўғри гуруҳ босқичи йўлланмасини "совға" қилиши мумкин. "Матрасчилар" 2014 ва 2016 йилларда ЕЧЛ финалида иштирок этишгани боис, ташкилот "Атлетико"га шундай "марҳамат" кўрсатмоқчи.
Бундай ҳолатда Испаниядан 5та жамоа иштирок этадими ёки мадридликлар Ла лиганинг бошқа жамоаси ўрнини эгаллайдими — бу ҳақда манбада маълумот берилмаган.
Боз устига, "Атлетико" Чемпионлар лигасининг ушбу мавсумида нимчорак финалда "Ливерпуль"ни мағлуб этиб, чорак финалга чиқди. Жамоа чемпионликни қўлга киритса, шундоқ ҳам келаси мавсумнинг гуруҳ босқичи учун йўлланмага эга бўлади.