Англиянинг "Манчестер Сити" клуби ярим ҳимоячиси Кевин Де Брюйне Англия чемпионатида бир мавсумда ассистентлик қилиш бўйича рекордни янгилаш ниятида эканлигини билдирди.

Ҳозирги рекорд соҳиби Лондоннинг "Арсенал" клуби собиқ ҳужумчиси Терри Анри ҳисобланади. У 2002/03 йилги мавсумда 20 та голга ҳаммуаллифлик қилган.

"Мен 17 та голга ассистентлик қилганман деб ҳисоблайман. Лекин "Арсенал"га қарши ўйиндаги пасимдан маҳрум қилишди. Нега бундай қилишганини ҳалиям тушунмаяпман.

Бельгия терма жамоасида мен Анри билан ҳазиллашдим. Мен унга унинг рекордимни янгилашимни айтдим. Агар мен буни амалга ошира олмасам, у ҳолда жамоамга фойда келтиришда давом этаман", - деди де Брюйне Goal порталига.

Жорий мавсумда 28 ёшли Де Брюйне "шаҳарликлар" таркибида 26 та учрашув ўтказди. У 8 та гол киритиш билан бир қаторда, 16 та голга ҳаммуаллифлик қилди.