Бугун Тожикистон терма жамоаси бош мураббийи Усмон Тошевни Ўзбекистон миллий терма жамоаси бош мураббийи Вадим Абрамовнинг ўрнини эгаллаши мумкинлиги ҳақидаги хабарлар пайдо бўлганди.
Бу хабарга Ўзбекистон Футбол Ассоциацияси матбуот хизмати Даврон Файзиев ўз муносабатини билдирди.
"Жавоб бераман, бу ёлғон маълумот, умуман ундай режа, тахмин ва ҳатто гап очилгани йўқ. Вадим Абрамов терма жамоа бош мураббийи сифатида ишини давом эттиради. Буни шахсан ўз номимдан ва ЎФА номидан тасдиқлашим мумкин"-деб пост қолдирди Файзиев ўзининг телеграмдаги расмий каналида.
"Фақат аниқ маълумотларга ишонинг, текширилмаган информацияга чалғиманг"-дея қўшимча қилди ЎФА матбуот хизмати раҳбари.
