Жанубий Корея чемпионатининг 5-турида «Сеул» 6 июнь, шанба куни «Чонбук Моторс»ни қабул қилди.

Учрашувда пойтахтликлар йирик ҳисобдаги мағлубиятни қабул қилиб олди. Меҳмонлар сафида Ли Дон Гук дубль қайд этган бўлса, Ҳан Ге Вон ва Ли Шин Ги бир мартадан «Сеул» дарвозасига йўл топди. Шунингдек, учрашувдаги дастлабки гол муаллифи Ҳан Ге Вон иккита ассистни ўз ҳисобига ёздириб қўйди.

Майдон эгаларининг ягона жавоб голига тажрибали Пак Чу Ён муаллиф бўлди. Асосий таркибда майдонга тушган ўзбекистонлик футболчи Икром Алибоев 62-дақиқада захирага олинди.

Шу тариқа «Чонбук» ушбу ғалабадан кейин очколарини 12 тага етказиб олган ҳолда 1-поғонага қайтди. «Сеул» эса (6) 7-ўринда қолди.

Кей-Лига, 5-тур
6 июнь, шанба
«Сеул» — «Чонбук Моторс» 1:4
Голлар: 0:1 — 44 Ҳан Ге Вон, 1:1 — 45+1 Пак Чу Ён, 1:2 — 47 Ли Шин Ги, 1:3 — 55 Ли Дон Гук, 1:4 — 73 Ли Дон Гук.
«Сеул»: Ю Сан Ҳун, Ким Жу Сон, Ким Нам Чун, Ҳван Ҳён Су, Алибоев (Ко Ён Ҳан, 62), Ҳан Чан Ҳи, Ким Жин Я, Ко Кван Мин (Ян Ю Мин, 77), Жу Се Жон, Жо Ён Ук, Адриано (Пак Чу Ён, 44).
«Чонбук Моторс»: Сон Бом Гин, Ким Мин Ҳёк, Ким Жин Су, Ли Ён, Чҳве Бо Гён, Ким Бо Гён, Сон Жун Ҳо, Ли Шин Ги (Кунимото, 77), Ҳан Ге Вон, Жо Гю Сон (Мурильо, 40), Ли Дон Гук (Велдвейк, 77).