"Барселона" ўйинчилари ва бош мураббий Кике Сетьен ўртасидаги муносабатга бироз путур етди. Бу ҳақда "Marca" нашри хабар тарқатди.
Манбага кўра, "Сельта"га қарши ўйиндан кейин кийиниш хонасида футболчилар бош мураббийни танлаган тактикаси учун танқид қилишган. Шунингдек, мутахассис томонидан учрашув давомида жамоа ўйинига киритилган ўзгариш учун ўйинчилар Сетьенга эътироз билдиришган.
"Marca"нинг таъкидлашича, мураббийлар штаби ва футболчилар бир-бирларини яхши тушунишмаяпти. Кикенинг услуби "кўк-анорранглилар" ўйинчиларига у қадар маъқул келмаяпти. Агар қандайдир ўзгариш рўй бермаса, жамоа ушбу мавсумда совринсиз қолиб кетиши мумкин, дея ҳисобламоқда футболчилар.