«Милан» бош мураббийи Стефано Пиоли жамоасининг мавсумнинг қолган қисми учун режалари ҳақида фикр билдирди.

Италия чемпионати якунланишига 10 тур қолганида «россонери» 42 очко билан жадвалда 7-ўринни эгаллаб турибди. Жамоа 1 июль куни 29-тур доирасида СПАЛ билан тўқнаш келади.

«Ўсишга эришиш ва ўз ғояларимизни ҳаётга тадбиқ қилиш учун вақт керак. Яна 30 очко тўплаш керак. Биз шунга эътиборни қаратишимиз лозим. Ўйинчи алмаштиришлар ҳар бир ўйинда ҳал қилувчи аҳамиятга эга бўлади. Бешта ўйинчи алмаштириш мумкинлиги, бизга кўпроқ ечим излаш имконини беради.

Жадвалдаги ҳолатимиздан қониқмаяпмиз, лекин «Милан» ҳар қандай рақибни мағлуб эта олади», – деди Пиоли "Football Italia" нашрига берган интервьюсида.

Эслатиб ўтамиз, «Милан» 28-тур доирасида жадвалда 5-ўринда бораётган «Рома»ни 2:0 ҳисобида мағлуб этди.