Англия чемпионатининг 33-тури доирасида бўлиб ўтган баҳсда «Тоттенхэм» ўз уйида «Эвертон»ни мағлуб этди (1:0).

Лондонликлар бош мураббийи Жозе Моуриньо учун мазкур муваффақият Англия премьер-лигаси доирасида 200-ғалаба бўлди.

Шу тариқа, португалиялик мутахассис АПЛ тарихида 200та ғалабани қўлга киритган бешинчи мураббийга айланди. Фақатгина Алекс Фергюсон ушбу маррани Моуриньога нисбатан тезроқ забт этган. Шотландиялик мураббий 322та ўйинда 200та ғалабага эришган бўлса, Жозега бунинг учун 326та баҳс керак бўлди.

АПЛда энг кўп ғалаба қозонган мураббийлар:

528 ғалаба – Алекс Фергюсон
476 – Арсен Венгер
236 – Харри Реднапп
207 – Дэвид Мойес
200 – Жозе Моуриньо