Angliya chempionatining 33-turi doirasida bo‘lib o‘tgan bahsda «Tottenxem» o‘z uyida «Everton»ni mag‘lub etdi (1:0).
Londonliklar bosh murabbiyi Joze Mourinyo uchun mazkur muvaffaqiyat Angliya premyer-ligasi doirasida 200-g‘alaba bo‘ldi.
Shu tariqa, portugaliyalik mutaxassis APL tarixida 200ta g‘alabani qo‘lga kiritgan beshinchi murabbiyga aylandi. Faqatgina Aleks Fergyuson ushbu marrani Mourinyoga nisbatan tezroq zabt etgan. Shotlandiyalik murabbiy 322ta o‘yinda 200ta g‘alabaga erishgan bo‘lsa, Jozega buning uchun 326ta bahs kerak bo‘ldi.
APLda eng ko‘p g‘alaba qozongan murabbiylar:
528 g‘alaba – Aleks Fergyuson
476 – Arsen Venger
236 – Xarri Rednapp
207 – Devid Moyes
200 – Joze Mourinyo
