Ушбу рукнимизга оид тарихий суратлар билан таништиришда давом этамиз.
“Милан”даги голландияликлар эрталабки машғулотга шошилишмоқда чоғи…
Олоф Мелберг Фредди Юнгбергни “сочиб ташламоқчи”, бироқ жамоадошлари бунга йўл қўймаяпти.
Aндрей Aршавиннинг “Aрсенал” сафида узоқ қолиши осон бўлмагани аниқ…
Бироз эскироқ сурат, бироқ кадрда абадий инсонлар. Фидел Кастро машҳур бошкийимини Марадонага собвға қилмоқда.
“Селтик” жамоасига ўтган Ди Канио илк кунданоқ шоу кўрсатишни бошлаб юборди.
“Монако” клубининг афсонавий “Луи II” аренаси.
1984-йил. Ўша даврнинг энг бақувват футболчиларидан бири – Жон Чарлз спагетти тотиб кўрмоқда.
Қачонлардир Занетти ва Гиггз майдонда курашган бўлса, кейинроқ улар қай бири кечроқ бутсаларини михга илиш борасида мусобақалашишди.
Звонамир Бобаннинг Жиноланинг сўзларидан кайфияти кўтарилди. Бу кадрда шундоққина кўзга ташланиб турибди.
Роналдо ўша даврда ҳеч кимга таниш бўлмаган Ивитца Олични учратиб қолди. Хорватиялик ҳужумчи вазиятдан унумли фойдаланди ва феномен билан суратга тушиб олди.
Кўпчилик унутган, бироқ ўз даврида бутун футбол мухлисларини қалқитиб юборган гол. Сенегал амалдаги ЖЧ ва Европа чемпионаларини қитъамизда бўлган мундиалда мағлуб этган эди. Бу ўйин ҳали-ҳамон Сенегал телевиденияси орқали намойиш этилади.
1973-йил. “Aякс” футболчилари Европа чемпионлари кубогида зафар қучишди. Медаллар ва кубогни эса, “Ювентус” футболкасида қабул қилишмоқда. Ўша даврда шу йўсинда финалда мағлуб бўлган футболчиларга ҳурмат кўрсатилган бўлса, ажаб эмас.
1966-йилда бўлиб ўтган ЖЧ қаҳрамони Жон Чарльтон билан танишинг. У доимо ўз соғлиғИ ҳақида қайғурган ва 21 мавсум давомида “Лидс” шарафини муносиб ҳимоя қилган. Эътиборлиси шундаки, қаҳрамонимиз 81 ёшида ҳам ўртоқлик учрашувларида майдонга тушишга муваффақ бўлган.
