Ushbu ruknimizga oid tarixiy suratlar bilan tanishtirishda davom etamiz.

“Milan”dagi gollandiyaliklar ertalabki mashg‘ulotga shoshilishmoqda chog‘i…

Olof Melberg Freddi Yungbergni “sochib tashlamoqchi”, biroq jamoadoshlari bunga yo‘l qo‘ymayapti.

Andrey Arshavinning  “Arsenal” safida uzoq qolishi oson bo‘lmagani aniq…

Biroz eskiroq surat, biroq kadrda abadiy insonlar. Fidel Kastro mashhur boshkiyimini Maradonaga sobvg‘a qilmoqda.

“Seltik” jamoasiga o‘tgan Di Kanio ilk kundanoq shou ko‘rsatishni boshlab yubordi.

“Monako” klubining afsonaviy “Lui II” arenasi.
1984-yil. O‘sha davrning eng baquvvat futbolchilaridan biri – Jon Charlz spagetti totib ko‘rmoqda. 

Qachonlardir Zanetti va Giggz maydonda kurashgan bo‘lsa, keyinroq ular qay biri kechroq butsalarini mixga ilish borasida musobaqalashishdi.

Zvonamir Bobanning  Jinolaning so‘zlaridan kayfiyati ko‘tarildi. Bu kadrda shundoqqina ko‘zga tashlanib turibdi.

Ronaldo o‘sha davrda hech kimga tanish bo‘lmagan Ivitsa Olichni uchratib qoldi. Xorvatiyalik hujumchi vaziyatdan unumli foydalandi va fenomen bilan suratga tushib oldi.

Ko‘pchilik unutgan, biroq o‘z davrida butun futbol muxlislarini qalqitib yuborgan gol. Senegal amaldagi JCH va Yevropa chempionalarini qit’amizda bo‘lgan mundialda mag‘lub etgan edi. Bu o‘yin hali-hamon Senegal televideniyasi orqali namoyish etiladi.

1973-yil. “Ayaks” futbolchilari Yevropa chempionlari kubogida zafar quchishdi. Medallar va kubogni esa, “Yuventus” futbolkasida qabul qilishmoqda. O‘sha davrda shu yo‘sinda finalda mag‘lub bo‘lgan futbolchilarga hurmat ko‘rsatilgan bo‘lsa, ajab emas.

1966-yilda bo‘lib o‘tgan JCH qahramoni Jon Charlton bilan tanishing. U doimo o‘z sog‘lig‘I haqida qayg‘urgan va 21 mavsum davomida “Lids” sharafini munosib himoya qilgan. E’tiborlisi shundaki, qahramonimiz 81 yoshida ham o‘rtoqlik uchrashuvlarida maydonga tushishga muvaffaq bo‘lgan.