"Барселона" сардори Лионель Месси "Реал" ва Испания терма жамоасининг собиқ дарвозабони Икер Касильяснинг профессионал футболчи сифатида фаолиятини якунлашга қарор қилгани ҳақидаги маълумотларга изоҳ берди. Касильяс 4 август куни истеъфога чиқишини эълон қилганди.
"Икер футболдан нафақага чиқди, аммо аллақачон афсонага айланган. У энг яхши кўрсаткичларни қайд этди ва халқаро саҳнада ҳамма нарсага эришди.
Икер — ажойиб дарвозабон, унга қарши ўйнаш ҳар доим жуда қийин бўлган. Ортга назар солиб, ажойиб рақобатдош бўлганимизни тушунаман. Касильяс мени майдонда янада яхшироқ ўйнашга мажбур қилган», — деди Месси Испания матбуотига берган интервьюсида.
