"Barselona" sardori Lionel Messi "Real" va Ispaniya terma jamoasining sobiq darvozaboni Iker Kasilyasning professional futbolchi sifatida faoliyatini yakunlashga qaror qilgani haqidagi ma’lumotlarga izoh berdi. Kasilyas 4 avgust kuni iste’foga chiqishini e’lon qilgandi.
"Iker futboldan nafaqaga chiqdi, ammo allaqachon afsonaga aylangan. U eng yaxshi ko‘rsatkichlarni qayd etdi va xalqaro sahnada hamma narsaga erishdi.
Iker — ajoyib darvozabon, unga qarshi o‘ynash har doim juda qiyin bo‘lgan. Ortga nazar solib, ajoyib raqobatdosh bo‘lganimizni tushunaman. Kasilyas meni maydonda yanada yaxshiroq o‘ynashga majbur qilgan», — dedi Messi Ispaniya matbuotiga bergan intervyusida.
