"Манчестер Сити" бош мураббийи Хосеп Гвардиола Европа чемпионлар лигаси нимчорак финал босқичи доирасида "Реал"га қарши бўладиган ўйин олдидан матбуот анжуманида иштирок этди.

"Реал" ёки бошқа жамоага қарши ўйнашимдан қатъий назар, мен "Барселона" мухлиси бўлиб қоламан. Бу клуб кўп жиҳатдан менинг шахсиятимни шакллантирган. Агар "Барса"га қарши ўйнашга тўғри келса, мен каталонияликларни мағлуб этишни истайман. Бу ерда ғайритабиий ҳеч нарса йўқ. Жамоамиз кейинги босқичга чиқиши учун ғалаба қозонишни хоҳлайман.

Зиданнинг тактикасини тахмин қилиш қийин. Ўзинг билган нарса ҳақида ўйласанг, у бошқа чора қўллайди. Биз "Реал"нинг рестартдан кейинги барча ўйинларини кўриб чиқдик. Улар ўйинни қандай бошлаши мумкинлигини тахмин қилиб кўрдик. Лекин биз кўпроқ ўзимиз қилишимиз керак бўлган ишга эътиборни қаратяпмиз", — деди Гвардиола УЕФА расмий сайтига берган интервьюсида.

Эслатиб ўтамиз, Мадридда бўлиб ўтган дастлабки учрашувда "шаҳарликлар" 2:1 ҳисобида ғалаба қозонишган эди.