«Реал» бош мураббийи Зайниддин Зидан «Манчестер Сити»га қарши ўйин олдидан ташкил этилган матбуот анжуманида Гарет Бэйл ҳақидаги саволларга жавоб берди.

Эслатиб ўтамиз, уэльслик футболчи «шаҳарликлар»га қарши баҳс қайдномасига киритилмади.

– Бэйл нима учун қайдномага киритилмади?
– Бу ҳақда кўп гапирилди. У билан ўртамизда ўзаро ҳурмат мавжуд. У билан шахсан гаплашдим. Фақатгина шуни айтишим мумкинки, у "Сити"га қарши ўйинда иштирок этмасликка қарор қилди. Қолгани — сир.

– Бэйлнинг йўқлиги фақат шахсий сабаблар билан боғлиқми?
– Ҳа, лекин мен сизга бошқа ҳеч нарса айтмоқчи эмасман.

– Бэйл ҳафсангизни пир қилдими?
– Йўқ, ундай эмас. Бу Бэйл ҳақидаги учинчи савол. Мен уни ҳурмат қиламан. Бундай нарсалар кийиниш хонасидан ташқарига чиқмаслиги керак.

– Зидан «Реал»ни бошқарар экан, Бэйлнинг клубда келажаги борми?
– Билмадим, лекин у «Реал» ўйинчиси. Мен уни ҳурмат қиламан. У ўйнамасликка қарор қилди. Сиз айтишим мумкин бўлган ягона нарса шу. Биз эътиборимизни эртанги ўйинга қаратганмиз.