«Real» bosh murabbiyi Zayniddin Zidan «Manchester Siti»ga qarshi o‘yin oldidan tashkil etilgan matbuot anjumanida Garet Beyl haqidagi savollarga javob berdi.

Eslatib o‘tamiz, uelslik futbolchi «shaharliklar»ga qarshi bahs qaydnomasiga kiritilmadi.

– Beyl nima uchun qaydnomaga kiritilmadi?
– Bu haqda ko‘p gapirildi. U bilan o‘rtamizda o‘zaro hurmat mavjud. U bilan shaxsan gaplashdim. Faqatgina shuni aytishim mumkinki, u "Siti"ga qarshi o‘yinda ishtirok etmaslikka qaror qildi. Qolgani — sir.

– Beylning yo‘qligi faqat shaxsiy sabablar bilan bog‘liqmi?
– Ha, lekin men sizga boshqa hech narsa aytmoqchi emasman.

– Beyl hafsangizni pir qildimi?
– Yo‘q, unday emas. Bu Beyl haqidagi uchinchi savol. Men uni hurmat qilaman. Bunday narsalar kiyinish xonasidan tashqariga chiqmasligi kerak.

– Zidan «Real»ni boshqarar ekan, Beylning klubda kelajagi bormi?
– Bilmadim, lekin u «Real» o‘yinchisi. Men uni hurmat qilaman. U o‘ynamaslikka qaror qildi. Siz aytishim mumkin bo‘lgan yagona narsa shu. Biz e’tiborimizni ertangi o‘yinga qaratganmiz.