Италиянинг «Рома» клуби Мадриднинг «Атлетико» ҳимоячиси Неуэн Пересга қизиқиш билдирмоқда.
Перес жорий йилнинг ёзида Англиянинг "Манчестер Юнайтед" клубига қайтиб кетган Крис Смоллингни ўрнини эгаллаши кутилмоқда. Transfermarkt портали Переснинг трансфер нархини 7,5 миллион евро атрофида баҳоламоқда.
Перес ўтган мавсумни Португалиянинг «Фамаликан» клуби сафида ижара асосида ўтказди. У Португалия чемпионатида 23 та учрашувда майдонга тушиб, битта гол киритишга эришди.