Ўзбекистон терма жамоаси ярим ҳимоячиси Отабек Шукуров Эрон термасидан учралган мағлубиятдан сўнг ўз фикрлари билан ўртоқлашди.
"Бисмиллаҳир Роҳманир Роҳийм, аввало, ўйин учун раҳмат. Ўйлайманки, мухлислар телеэкран орқали ҳам бизни қўллаб-қувватлаб туришди. Тўғри, мағлубиятга учрадик. Ҳамма биладики, Эрон Осиё грандларидан бири саналади.
Ишлашда давом этмоқдамиз. Ўз уйимизда мағлубиятга учраганимиз учун мухлислардан узр сўраймиз. Иншааллоҳ, кейинги ўйинларда ғалаба қозонамиз. Назорат ва расмий ўйинларда бугунги каби хатоларга йўл қўймасликка интиламиз. Жаҳон чемпионатига чиқиш учун бор имкониятимизни ишга соламиз", - деди Шукуров.
