Россия футбол терма жамоаси 8 октябрь, пайшанба куни Москвада Швецияга қарши ўртоқлик ўйини ўтказди.

Учрашувда аралаш таркиб билан қатнашган россияликлар кичик ҳисобда имкониятни бой берди. Баҳснинг 21-дақиқасида Александер Исак шведларни олдинга олиб чиқди.

72-дақиқада Маттиас Йоҳанссон меҳмонларнинг иккинчи голини урди. Ҳакам томонидан қўшиб берилган вақтда Александр Соболев ҳисобни қисқартиришга муваффақ бўлди.

Россия терма жамоаси октябрь ойидаги кейинги иккита ўйинни Миллатлар Лигаси доирасида Туркия (11 октябрь) ва Венгрияга (14 октябрь) қарши ўтказади. Шведлар 11 октябрда Хорватияга қарши ўйин ўтказса, 14 октябрда Португалия билан ўйнайди.

Ўртоқлик учрашуви
8 октябрь, пайшанба
Россия — Швеция 1:2
Голлар: 0:1 – 21 Исак, 0:2 – 72 Йоҳанссон, 1:2 – 90+1 Соболев.
Россия: Жанаев, Фернандес (Черишев, 61), Кудряшов, Караваев, Жирков, Газинский (Кузяев, 74), Мостовой (Ионов, 61), Миранчук (Бакаев, 74), Оздоев (Зобнин, 46), Кутепов, Дзюба (Соболев, 46).
Швеция: Юнссон, Крафт (Йоҳанссон, 46), Старфелт, Бенгтссон (Ольссон, 72), Ҳолмен, Сема (Классон, 77), Свенссон, Сванберг, Ларссон (Ольссон, 46), Исак (Квайсон, 64), Ларссон.
Огоҳлантиришлар: Кузяев (85), Ольссон (90).