Ла Лиганинг 6-турида Мадриднинг «Реал» ўз майдонида «Кадис» (0:1) клубига имкониятни бой берган бўлса, «Барселона» сафарда «Хетафе» клубига (1:0) ютқазди.

Шу тариқа, сўнгги 20 йилда «Реал» ва «Барселона» бир турда на ғалаба қозонишди, на гол уришди.

Сўнгги бор бундай воқеа 2000/01 йилги мавсумнинг 22-турида қайд этилганди. Ўшанда "Реал" «Атлетик» (0:1) клубига бой берган бўлса, каталонияликлар «Расинг» (0:4) клубидан йирик ҳисобдаги мағлубиятни қабул қилиб олганди.

Бундан ташқари, 17 йилда илк маротаба «Реал» ва «Барселона» параллел равишда "Эл класико" олдидан мағлубиятга учрашди. Ўшанда мадридликлар «Реал Сосьедад» (2:4) клубига ютқазишган бўлса, «Барселона» «Депортиво» (2:4) клубига имкониятни бой берганди.

Ушбу жамоалар 24 октябрь куни «Камп Ноу» стадионида ўзаро баҳс олиб боради.