Каталониянинг "Барселона" клуби ЕЧЛнинг биринчи тур доирасида «Ференцварош» клубини 5:1 ҳисобида мағлуб этди. Ушбу учрашувдан сўнг, жамоа бош мураббийи Рональд Куман ўз фикрлари билан ўртоқлашди.

«Ўйиндан, уч очкодан ва киритилган бешта голдан қониқдим. Пенальти ва Пикенинг четлатилиши қийин бўлди, бироқ, жамоа 10 киши қолиб ҳам яхши ҳаракат қилди.

Тринкау ўз қанотида рақибга етарлича муаммо туғдирди. Дембеле гол киритди ва голга ассистентлик қилиб ўйинга киришиб кетди. Ҳар қандай мураббий буни кўришни хоҳлайди. Футболчилар ритмни ҳис қилишмоқда.

Бизда ҳимоя марказида рақобат бор. Агар Лангле ва Пикеда қандайдир муаммо бўлса, у ҳолда Араухо бемалол ўйнай олади», – деди Куман.