АГМК бош мураббийи Миржалол Қосимов "Насаф"га қарши бўлиб ўтган ўйин борасида ўз фикрини билдириб ўтди.

«Муносиб жамоалар тўқнашуви бўлди. Турнир жадвали эътибори билан ҳам жуда муҳим ва керакли ўйин эди. Биринчи бўлимда ўзимиз истаган ўйинни кўрсата олмадик. Биринчи бўлимда имкон қадар тепароқ ўйнаб, прессинг қилишимиз керак эди. Бироқ йигитлар иккинчи рақам остида ҳаракат қилишди. Ўйинга тайёргарлик жараёнида ундай кўрсатма бўлмаганди. Дарвозамиз олдида нотўғри ўйнаганимиздан натижасида Марко Станоевичда зарба бериш учун бўш ҳудудлар пайдо бўлди. Голда дарвозабонимизн айбламаган бўлардим. Танаффусда футболчиларга барчаси ўз қўлимизда эканлигини ва бу керакли ўйинлигини тушунтирдик. Иккинчи бўлимда йигитлар 15-20 дақиқа яхши ҳаракат қилишди.

Иккинчи голда учинчи зонада тўпни йўқотдик. Айнан шу гол ўйин тақдирини ҳал қилди. "Насаф" билан ўйинларда оддий элементар хатолар ҳам қимматга тушиши мумкин. Кураш давом этади, интрига эса янада ошди. Қолган учрашувлар бундан ҳам қизиқарли бўлади деб ўйлайман. Кетма-кет тўртинчи бор меҳмонда ўйнаймиз, бу ҳам жамоага руҳий томондан таъсир қилади», — деди Миржалол Қосимов.