28 октябрь куни «Барселона» Европа чемпионлар лигаси 2-тури доирасида Туринда «Ювентус» меҳмони бўлиб, 2:0 ҳисобида ғалаба қозонди.
"Кўк-анорранглилар"нинг битта голини Лионель Месси пенальтидан урди. Аргентиналик футболчи учун мазкур гол расмий мусобақалар доирасида 721-гол бўлди. Бу натижа орқали у германиялик футболчи Герд Мюллерни ортда қолдирди ва футбол тарихидаги тўпурарлар рўйхатида 4-ўринга кўтарилди.
Мессидан юқори ўринларни Ромарио (734), Криштиану Роналду (742) ва Пеле (767) эгаллаб туришибди.
