Football Italia нашрининг ёзишига қараганда, Римнинг "Лацио" клубида яна коронавирус аниқланган. Патрисио Габаррон, Муҳаммад Фарес ва Жан-Даниэль Акпа-Акпролар жамоанинг эрталабки машғулотларида иштирок этишмади. Чунки, уларда коронавирус аломатлари сезилган ва футболчилар тест топширди. Тест натижаси эса шанба куни чиқиши кутилмоқда.
Бугунги кунга келиб, "Лацио"нинг коронавирусга чалинган футболчилари сони 12 тага етди. Якшанба куни "Лацио" А Серия доирасида "Торино" клуби меҳмони бўлади. Агар "Лацои" таркибида 13 нафардан футболчи кам бўлмаса, ўйин албатта ўтказилади. Балки, клуб А Серия раҳбариятига якшанба кунги ўйинни бошқа муддатга қолдириш борасида мурожаат қилиши ҳам мумкин.
