Кеча "Андижон" клуби жамоа бош мураббийи Бахтиёр Ҳамидуллаевни "Сурхон"га қарши ўйиндан кейин эгаллаб турган лавозимидан озод этганлиги ҳақида хабар тарқалганди.
Клубдаги манбаларимизнинг айтишига қараганда, раҳбарият нафақат Бахтиёр Ҳамидуллаевни, балки унинг ёрдамчиси Турсунбой Хусанов, шунингдек футболчилар Сирож Мелиев ҳамда Нодир Мавлоновларга ҳам жавоб бериб юборган.
Ҳозирча мавсумнинг қолган тўртта ўйинида "Андижон" жамоасига ким бош мураббий бўлиши ҳақида аниқ маълумот йўқ.
Эслатиб ўтамиз, "Андижон" клуби жорий мавсумда Ҳамидуллаевгача Александр Хомяков, Виктор Кумиков сингари мураббийларни ҳам истеъфога чиқарганди.
