Ўзбекистон Суперлигаси 22-туридан ўрин олган "Бунёдкор" - "Бухоро" учрашувидан сўнг "қалдирғочлар" устози Вадим Абрамов қуйидаги фикрларни билдириб ўтди.
"Бухоро" билан бундай ҳолат 1 йил аввал ҳам содир бўлганди. Мана бир неча ўйиндирки "Бухоро" билан бир хил сценарий такрорланмоқда. Балки, тезкор гол бизнинг зараримизга ишлагандир. Рақиб таркибидаги ёш футболчилар яхши ўйнашди. Ҳар доимгидек охирги дақиқада ўзимизга ўзимиз гол олиб келдик.
Нурилло Тўхтасиновнинг позициясида терма жамоада кучлироқ футболчилар тўп суради, рақобат катта. Ҳозирча, катта танлов имконияти бор. Аммо у ҳам номзодлар қаторида бор. Қолганини вақт кўрсатади.
Вазиятлар ярата олмаслик ва улардан фойдалана билмаслик тажриба билан боғлиқ. Ёш футболчиларда тажриба етишмагани сабабли имкониятлар кам яратилмоқда", -деди мураббий.
