Каталониянинг «Барселона» клуби бош мураббийи Роналд Куман ЕЧЛнинг 3-тур доирасида Киевнинг «Динамо» клубига қарши бўлиб ўтадиган учрашув ҳақидаги фикрлари билан ўртоқлашди.
«Бизнинг мақсадимиз ўша-ўша: яхши ўйин намойиш этиш, кўплаб вазиятларни содир этиш ва ўйинда ғалаба қозониш. Биз турнирда яхши иштирок этяпмиз ва мана шу руҳда давом этишимиз керак.
«Динамо»да коронавирус сабабли муаммо юзага келганини биламиз. Уларнинг тест натижаларини кутишимиз керак. Учрашувга тайёргарлик кўришимиз керак ва ўйинни ўтказилишига умид қиламиз.
Коронавирус ҳаётимизнинг бир қисмига айланди, у бизнинг ишимизга таъсир қилмоқда. Бу осон эмас. "Динамо"га келсак, коронавирус таркибнинг сифатига таъсир қилди.
Бироқ, икки ҳафта муқаддам коронавирусга чалинган футболчиларисиз ўйнаган «Шахтёр» «Реал»ни мағлуб этганини кўрдим. Шу сабабли, "Динамо" таркиби кучсизланиб қолди деб ўйламаслик керак.
Менинг "Барселона"даги келажагим у қадам муҳим эмас. Биз ўйиннинг турли элементларини ўзгартирамиз, шу сабабли, хавотир олмасликни ва вақт берилишини сўраймиз. Ла Лигадаги натижаларимиз яхши эмас,аммо биз жамоа билан бирмиз», – деди Куман.
