ЕЧЛ. «Барселона» ва «Ювентус» ғалаба қозонишди, «ПСЖ» Германияда ютқазди

Европа Чемпионлар Лигасининг G ва H гуруҳларида 4 ноябрь, чоршанба куни 3-тур ўйинлари ўтказилди.

«Барселона» ўз майдонида Киевнинг «Динамо»сини қабул қилди. Учрашув дебютидаёқ каталонлар пенальти ишлаб олди, уни Лионель Месси голга айлантирди. 65-дақиқада Херард Пике Ансу Фатининг узатмасидан кейин жамоасининг иккинчи голини урди. 75-дақиқада Виктор Циганков ўртадаги фарқни қисқартиришга муваффақ бўлди. Бироқ қолган вақтда ҳисоб ўзгармади.

Гуруҳнинг нарига ўйинида «Ювентус» сафарда «Ференцварош»ни тор-мор келтирди. 7-дақиқада Альваро Мората туринликларни олдинга олиб чиққан бўлса, 60-дақиқада испаниялик футболчи дублни расмийлаштирди. Иккинчи бўлимнинг иккинчи ярмида Пауло Дибала иккита гол урган ҳолда ҳисобни йирик кўринишга олиб келди. Бунга майдон эгалари сўнгги дақиқалардаги гол билан жавоб беришга эришди.

Бир қатор етакчиларисиз қолган ПСЖ жамоаси «Лейпциг» меҳмони бўлди. Учрашувнинг 6-дақиқада Анхель ди Мария парижликларни олдинга олиб чиқди. Бунга немислар 41-дақиқада Кристофер Нкункунинг голи билан жавоб қайтарди.

Иккинчи бўлим дебютида Эмиль Форсберг пенальтини аниқ ижро этди ва вазиятни «буқалар» фойдаси томон ўзгартирди. 69-дақиқада Идрисса Гуйенинг четлатилишидан кейин ПСЖ камчиликда қолди. Шу билан ҳисоб ўйин якунига қадар ўзгармади.

Гуруҳнинг дастлабки ўйинида «Манчестер Юнайтед» сафарда «Истанбул Башакшеҳир»га имкониятни бой бериб қўйди.

ЕЧЛ, 3-тур
4 ноябрь, чоршанба

"G" гуруҳи
«Ференцварош» Венгрия — «Ювентус» Италия 1:4
Голлар: 0:1 – 7 Мората, 0:2 – 60 Мората, 0:3 – 72 Дибала, 0:4 – 81, автогол Двали, 1:4 – 90 Боли.
«Ференцварош»: Дибус, Ботка (Хайстер, 68), Двали, Ловренчич, Блажич, Изаэл (Боли, 74), Сомалиа, Нген (Мак, 73), Шигер, Зубков (Узуни, 80), Ҳаратин.
«Ювентус»: Шенсни, Кьеллини, Данило, Бонуччи, Рэмзи (Маккенни, 53), Куадрадо (Фработта, 76), Рабьо, Артур (Бентанкур, 46), Кьеза (Бернардески, 76), Роналду, Мората (Дибала, 67).
Огоҳлантириш: Ботка (19).

«Барселона» Испания — «Динамо Киев» Украина 2:1
Голлар: 1:0 – 5, пенальти Месси, 2:0 – 65 Пике, 2:1 – 75 Циганков.
«Барселона»: тер Штеген, Альба, Пике, Дест, Пьянич (Серхи Роберто, 60), де Йонг, Педри (Аленья, 83), Бускетс (Лангле, 74), Фати (Тринкау, 74), Гризманн (Дембеле, 60), Месси.
«Динамо Киев»: Нешерет, Забарний, Шабанов, Кендзера, Попов, Шепелев, Андриевский, Циганков, Буяльский (Леднев, 86), Родригеш (де Пена, 71), Супряга (Вербич, 71).
Огоҳлантириш: Буяльский (70).

"H" гуруҳи
«Лейпциг» Германия — ПСЖ Франция 2:1
Голлар: 0:1 – 6 Ди Мария, 1:1 – 41 Нкунку, 2:1 – 57, пенальти Форсберг.
«Лейпциг»: Гулачи, Анхелиньо, Конате, Упамекано, Мукиеле (Хенрихс, 64), Нкунку, Забитцер (Кампл, 90), Олмо (Поульсен, 64), Айдара (Адамс, 76), Форсберг (Клюйверт, 76), Орбан.
"ПСЖ": Навас, Флоренци (Рафинья, 84), Кимпембе, Курзава (Баккер, 73), Маркиньос, Эррера, Данилу Перейра, Сарабия (Керер, 73), Гуйе, Ди Мария, Кин.
Огоҳлантиришлар: Упамекано (15), Кимпембе (19), Конате (25), Гуйе (37), Курзава (67).
Четлатишлар: Гуйе (69), Кимпембе (90).

«Истанбул Башакшеҳир» Туркия — «Манчестер Юнайтед» Англия 2:1
Голлар: 1:0 – 12 Ба, 2:0 – 40 Вишча, 2:1 – 43 Марсьяль.