Туриннинг «Ювентус» ва Португалия терма жамоаси ҳужумчиси Криштиану Роналду France Football нашрининг талқини бўйича барча замонларнинг рамзий терма жамоасидан жой олди. Шу сабабли, португалиялик юлдуз ўзининг "Instagram"даги расмий саҳифаси орқали муносабат билдирди.

«France Football нашрининг барча замонларнинг рамзий терма жамоасидан жой олиш мен учун катта шараф. Даҳшатли "орзулар терма жамоаси"… Уларнинг барчаси менинг ҳурматим ва эҳтиромимга лойиқдир. Бундай ажойиб футболчилар қаторида эканлигимдан фахрланаман. Раҳмат!» - деб пост қолдирди Роналду.