2020 йил ҳар жабҳада ғайриоддий бўлди: чемпионатларнинг тўхтатилиши, мухлислар ўйинлар, коронавирус... Афсуски, 2020 йилнинг фойдасидан кўра, кўпроқ зарарли бўлди. Қолаверса, футбол олами бир қатор юлдузларни йўқотди.
ДИЕГО МАРАДОНА
Шубҳасиз, йилнинг энг катта йўқотиши – Диего Армандо Марадона! Дунёнинг миллионлаб мухлислари севган футболчи. Ҳаттоки, футболга қизиқмайдиган инсонлар ҳам Марадона ҳақида билишарди.
Аргентина учун Марадона фақат футболчи эмас, балки даҳо эди! Мамлакат унинг истеъдоди олдида қойил қолди ва барча айбларини кечирди!
Марадонанинг вафоти – дунё футболи учун энг катта йўқотиш бўлди.
ВИКТОР ПОНЕДЕЛЬНИК
Шунингдек, якунига етиб бораётган йилда 1960 йилги Европа чемпионатининг сўнгги совриндори - Виктор Понедельник ҳам вафот этди. Унинг «олтин» голи сабабли СССР терма жамоаси илк маротаба Европа аренасида совринли ўринни қўлга киритди.
Понедельник нафақат футболчи, балки журналист сифатида ҳам машҳур инсон эди. У узоқ йиллар давомида афсонавий «Футбол-Хоккей» журналининг бош муҳаррири сифатида фаолият олиб борган.
ВАСИЛИЙ КУЛЬКОВ
Москванинг «Спартака» клуби афсонавий футболчиси яқинда ўзининг 54 ёшида бу оламни тарк этди. У бир йилдан кўпроқ муддат саратон касаллиги билан курашди, бироқ, коронавирусга чалинганидан сўнг, саратон касаллиги янада кучайишни бошлади.
Кульков – Европага биринчи бўлиб йўл олган россиялик футболчиларнинг бири саналади. У «Бенфика» ва «Порту» клубларида ажойиб ўйнади. Кейинчалик Англиянинг «Миллоулл» ва Португалиянинг «Алаверка» жамоалари ҳам ўйнашга улгурди.
ВАЛЕРИЙ РЕЙНГОЛЬД
«Бошсиз чавандоз», «Рэкс», «Электричка» лақаблари билан машҳур бўлган Валерий Леонидович Рейнгольд Москванинг «Спартак» клубида 1960 йиллари тўп сурган.
Рейнгольд футбол эксперти сифатида радио ва телевидениеларни мунтазам равишда ишлаб келди. 2020 йилнинг февралл ойида 2020 Рейнгольд Владимир Степанов хотира турнири бўлиб ўтаётган пайтда ҳаётдан кўз юмди. Шифокорлар Рейнгольднинг ўлимига юрак ҳуружи сабаб бўлганлиги ташҳисини қўйишди.
ПАОЛО РОССИ
Италиялик Паоло Росси. 1982 йили Испанияда ўтказилган Жахон чемпионатининг ёрқин блдузи. Ўшанда «скуадра адзурра» ҳақли равишда олтин медалларни қўлга киритди, Росси эса ўз ҳисобига 6 та гол ёздириб, мусобақанинг тўпурари бўлганди. Ўша мавсумда Росси «Олтин тўп»ни қўлга киритганди.
Росси ФИФАнинг 20-асрдаги энг буюк футболчилари рўйхатидан жой олган.
Росси фаолиятини якунлагач телевидениеда эскперт сифатида муваффақиятли фаолият олиб борди.
МИШЕЛЬ ИДАЛЬГО
87 ёшида франциялик футболчи ва мураббий Мишель Идальго вафот этди. Идальго фаолиятини деярли «Монако» клубида ўтказди. У 300дан ортиқ ўйинларда майдонга тушди. Лекин, унинг асосий ютуғи – Франция терма жамоасида қўлга киритилди. 1984 йили унинг қўл остида Франция терма жамоаси Европа чемпионатида ғолиб чиқди.
ПИТЕР БОНЕТТИ
Англиялик дарвозабон Питер Бонетти «Челси» клубининг ҳақиқий афсонаси эди. У жамоа таркибида ҳаммадан энг кўп ўйин ўтказган – 729! Бонетти «кўклар» шарафини 1960 йилдан 1979 йилгача ҳимоя қилган.
У Англия терма жамоасининг ҳам афсоналаридан бири бўлган. Бонетти терма жамоаси билан 1966 йилги Жаҳон чемпионатида зафар қучган.
ЖЕК ЧАРЛЬТОН
1966 йилги Жаҳон чемпионатининг яна бир афсоналаридан бири Жек Чартлон 86 ёшида ҳаётдан кўз юмди.
Жек Чарльтон фаолиятини «Лидс Юнайтед» клубига ўтказди. У футбол билан шуғулланишни 1950 йили бошлаган ва орадан 23 йил ўтгач фаолиятини якунлаган! Содиқликнинг ҳақиқий намунаси!
Чарльтон – Британия империясининг офицер ордени билан тақдирланган.
НОББИ СТАЙЛЗ
Стайлз ҳам Англия терма жамоаси таркибида 1966 йилги Жаҳон чемпионатида ғолиб чиққан, орадан икки йил ўтиб эса Европа Чемпионатида бронза медалларини қўлга киритган.
Нобби «Манчестер Юнайтед» клуби сафида 300 да ортиқ расмий ўйинларда майдонга тушган. 1990 йилларда эса сэр Алекс Фергюсон бошчилигидаги мураббийлар штабида фаолият олиб боришни бошлаган.
ПАП БУБА ДИОП
Ушбу рўйхатнинг энг ёш вакили. Сенегаллик собиқ футболчи 42 ёшида ҳаётдан кўз юмди. Футбол олами 2002 йили ўтказилган Жаҳон Чемпионатининг очилиш ўйинида Франция терма жамоаси дарвозасига гол киритганидан сўнг, Диоп ҳақида билишни бошлаган. Ўшанда Сенегал терма жамоаси ўзининг ёрқин ўйинлари билан ЖЧ-2020 нимчорак финалигача етиб келганди.
Диоп ўзининг футболчилик фаолиятини Англия ўтказиб, «Фулхэм» ва «Портсмут» клублари шарафини ҳимоя қилган.
Диоп Шарко-Мари-Тута касаллиги ва амиотрофик латерал склероз туфайли вафот этди.
ЖЕРАР УЛЬЕ
Афсонавий франциялик мутахассис 74 ёшида оламдан кўз юмди. Жерар Улье Франция ва Англиядаги фаолиятлари орқали яхши таниш. У ўз юртида «ПСЖ» ва «Лион» клубларини муваффақият сари етаклаб кела олган, лекин унинг энг катта ютуқларидан бири шубҳасиз «Ливерпуль» клуби билан қўлга киритилган. Ўшанда Улье қўл остидаги "Ливерпуль" қатор совринларга қўлга киритган, жумладан УЕФА Кубоги ва Суперкубогини ҳам.
Улье – Фахрий легион ва Британия империяси ордени соҳиби.
НАРИМОН ЖАЛОЛОВ
Наримон Жалолов 13 ёшидаёқ футбол ўйнашни бошлаган. Ўша кезларда Жалолов Тошкентнинг “Спартак” жамоаси аъзосига айланиб спорт жамиятлари ўртасида ўтказилган биринчиликда ғолиб чиққан ҳолда ғалабали ва муваффақиятли даврни бошлаган.
Наримон Жалолов 1992 йилда ЎФФ вице-президенти этиб тайинланган. Сўнгги йилларда ЎФА Фахрийлар кенгаши раиси сифатида ишлаб келганди. Наримон Жалолович "Ўзбекистонда хизмат кўрсатган мураббий", "Шуҳрат" медали, ЎФА кўкрак нишони соҳиби.
ОЛЛОЁР РАСУЛОВ
Ғузорнинг "Шўртан" клубини Олий Лигага чиқишида катта ҳисса қўлган инсон Оллоёр Расулов 2020 йилнинг июль ойида 63 ёшида вафот этди.
Қашқадарё вилоятининг чекка бир туманида футбол жамоасини ташкил қилиб, таркибига мамлакатимизнинг етакчи футболчилари бўлган Мухтор Қурбонов, Нўъмон Ҳасанов сингари футболчиларни қўшиб олишинида Оллоёр аканинг хизматлари беқиёс бўлган.
АЛИШЕР АБДУЛЛАЕВ
Таниқли собиқ ҳакам, сўнгги пайтларда назоратчи сифатида юртимизга кўзга кўринган мутахассис. Фарҳод Абдуллаев ва Тимур АБдуллаевларнинг отаси - Алишер Мўминов ҳам 2020 йилда вафот этди.
АЛИШЕР МЎМИНОВ
Ўзбекистон Футбол Федерациясида узоқ йиллар фаолият олиб борган Алишер Мўминов ҳам 2020 йил йили бу дунёни тарк этди. Фаолияти мобайнида кўплаб шогирдларни чиқарган ёш мутахассис ЎФФда самарали меҳнат қилган. Айни пайтда унинг шогирдларининг бир қанчаси Ўзбекистон футболи ривожи учун ўз ҳиссасини қўшиб келмоқда.
