"Ливерпуль"нинг янги бош мураббийи Арне Слотт ҳужумчи Муҳаммад Салоҳнинг клубдаги келажаги борасида бир қарорга келди.
Нидерландиялик мутахассис мавсум якунида Юрген Клопп лавозимни тарк этгач, “қизиллар” бошқарувини қабул қилади. Миш-мишларга кўра, "Ливерпуль" келаси ёзда ўзининг узоқ йиллик етакчиси Муҳаммад Салоҳни ҳам йўқотиши мумкин, унга Саудия Арабистони клублари даъвогарлик қилмоқда, аммо Слот мисрлик футболчини сақлаб қолишни талаб қилмоқда. Журналист Бен Жейкобснинг сўзларига кўра, янги мураббий юлдуз форварднинг "Энфилд"да ўйнашда давом этишидан манфаатдор.
Салоҳ ушбу мавсумда 41 ўйинда 24 гол ва 13 голга ассистентлик қилган.
