Абдуқодир Хусановнинг агенти Ғайрат Ҳасбиуллин «Манчестер Сити» ва Ўзбекистон терма жамоасининг 22 ёшли ҳимоячисининг ўтган йили баҳорда бўлиб ўтган тўйи ҳақида сўзлаб берди.

– Абдуқодир ўз ёшида аллақачон турмуш ўртоқ ва ота.

– У тўғри тарбия олган оилада улғайган, шунинг учун ўзи ҳам оилапарвар бўлди. Унинг эрта уйлангани яхши, чунки бу унга оилавий илиқлик бахш этади, Англияда ёлғиз эмаслигини ҳис қилади. Қодир тунги ҳаёт билан яшамайди, қаергадир бормайди, уйида ўтиради. Баъзида олдига дадаси, баъзида акаси ёки мен бораман, лекин булар вақтинчалик эди. Шунинг учун, тўйни чўзиб ўтирмаслик тўғри қарор бўлган деб ҳисоблайман. Шундан келиб чиқиб, машғулотлардан кейин уйда шуғулланадиган иши бор. Уни кутишади – бу ҳам унга мотивация беради.

– Тўй Ўзбекистонда қабул қилинганидек дабдабали бўлдими? Қанча меҳмон бор эди? – Минг киши.

– Вау!

– Шу билан бирга, дабдабасиз, анча сокин ўтди. Тўй Ўзбекистон терма жамоаси тарихда илк бор жаҳон чемпионатига чиққан БААга қарши ўйин олдидан бўлиб ўтди. Терма жамоа ўйинчилари йиғиндан ярим соатга келиб, табриклаб, яна қайтиб кетишди.

Тўйдан кейин Қодир тонги соат тўртда жамоа билан учиб кетди. Аслида, инсоннинг биринчи кечасини тортиб олишди! Аниқроғи, у буни ўзидан ўзи тортиб олди. Унга: «Эртаси куни учиб келишинг мумкин», дейишди. У эса: «Йўқ, жамоа билан учаман», деб жавоб берди. Футболчи ўзининг ҳамма билан тенг эканини кўрсатмоқчи эди, – деди Ҳасбиуллин.