Франция терма жамоаси бош мураббийи Дидье Дешам апелляция натижалари ҳақида гапириб ўтди. "Уч ранглилар" вингер Майкл Олисега берилган сариқ карточкани бекор қилишга уринишган эди, бироқ французларга ижобий натижага эришиш насиб этмади.

"Биз ФИФАдан жавоб олдик: Майкл Олисенинг сариқ карточкаси ўз кучида қолади. Апелляциямиз қабул қилинмади", — деди Дешам журналистларга.

Франция терма жамоаси Жаҳон чемпионатининг 1/4 финалида Марокашга қарши ўйинга тайёргарлик кўрмоқда. Агар Майкл Олисе яна бир бор сариқ карточка олса, у ярим финал учрашувини ўтказиб юборади (албатта, агар Франция кейинги босқичга чиқса, улар Испания – Бельгия жуфтлиги ғолиби билан тўқнаш келади).

Франция – Марокаш учрашуви 9 июль куни Тошкент вақти билан 01:00 да бошланади.