Италия чемпионатининг 16-тури доирасида «Женоа» 6 январь куни сафарда «Сассуоло» клуби меҳмони бўлади. Учрашув Тошкент вақти билан 19:00да бошланади.
Генуяликлар 15та турдан кейин 11 очко билан жадвалда 18-поғонани эгаллаб турибди. «Сассуоло» эса 26 очко билан 6-ўринга жойлашган.
"Женоа" ҳужумчиси Элдор Шомуродов "Лацио"га қарши баҳснинг иккинчи бўлими бошида майдонга туширилди ҳамда у кўпчиликда яхши таассурот қолдирди. Шу боис, ўзбекистонлик футболчи эртага бўладиган ўйинни асосий таркибда бошлаши мумкин. Унга шерик сифатида Дестро танланса керак.
"Женоа" таркибида жароҳат олган ҳимоячи Кристиан Сапата эртанги баҳсни ўтказиб юборади.
«Сассуоло» - «Женоа». Тахминий таркиблар:
"Сассуоло" (4-2-3-1): Консильи; Тольян, Кирикеш, Феррари, Рожерио; Лопес, Локателли; Берарди, Траоре, Бога; Капуто.
Бош мураббий: Роберто Де Дзерби
"Женоа" (3-5-2): Перин; Кришито, Радованович, Масьелло; Гильоне, Лерагер, Бадель, Беҳрамий, Чиборра; Дестро, Шомурудов
Бош мураббий: Давиде Баллардини.
Ҳакам: Фаббри ди Равенна.