Англиянинг "Манчестер Юнайтед" клуби собиқ ҳимоячиси Рио Фердинанднинг фикрича, «Арсенал» зудлик билан марказий ҳимоячи сотиб олиши керак. «Канонирлар»нинг асосий муаммоси майдон марказидаги ёмон ўйиндан бошланмоқда.
«Мен ҳалиям «Арсенал»га марказий ярим ҳимоячи керак деб ҳисоблайман, барча муаммо шу ердан бошланмоқда. Уларнинг таркибида ажойиб ёш футболчилар бор, барчанинг оғзидан тушмаётган 7-8 нафар ёш футболчилари мавжуд.
Бироқ, «Арсенал» уларни қай тарзда майдонга жойлаштиришни билиши кераклиги ҳам муаммо бўлмоқда. Салиба билан нима рўй берди? Айни пайтда бу маблағни шунчаки ҳавога совуриш. Нима рўй берганини билмайман. Габриэль майдонга бефарқ қарайди. Асосий марказий ҳимоячи Роб Холдинг. У ҳақда нима дейиш мумкин? Бир неча йил аввал Холдингни «Арсенал» сардори бўлишини тасаввур қилиш қийин эди», - деди Фердинанд Rio Ferdinand Presents FIVE каналида.
