Англиянинг "Астон Вилла" клуби "Ливерпуль" жамоасига қарши бўлиб ўтадиган ўйин олдидан таркибда коронавирус аниқланганлиги сабабли, ўз машғулотларини бекор қилди.
"Астон Вилла" "Бодимур Хит" спорт қароргоҳини коронавирус авж олганлиги сабабли ёпишга мажбур бўлди. Англия Кубоги 1/32 финал доирасида "Ливерпуль" клубига қарши бўладиган ўйиндан олдинги машғулот бекор қилинди.
Клуб матбуот хизматининг тарқатган маълумотига қараганда, коронавирус учун топширилган сўнгги тест таҳлиллари натижасида таркибда ушбу инфекцияни юқтириб олган футболчи ва ходимларнинг сони кескин ортиб кетди.
Клуб ҳозирда Англия кубогининг учинчи босқичидан ўрин олган «Ливерпуль»га қарши ўйинни бекор қилиш борасида АПЛ ва Англия футбол ассоциацияси билан музокара олиб бормоқда.
«Астон Вилла» — «Ливерпуль» учрашуви 8 январь кунига белгиланган.
