4 январь куни миллий чемпионатимиз флагмани "Пахтакор" навбатдаги йиғин учун Туркиянинг Анталия шаҳрига учиб кетади. 14 кунлик йиғин давомида "шерлар" 4 та ўртоқлик учрашуви ўтказишади. Бу ҳақда клубнинг расмий сайти хабар тарқатмоқда.
Клубнинг янги йилдаги режаси бир ой муқаддам тузиб чиқилган эди.
"Пахтакор" Туркияда ўтказилажак йиғинларда ўртоқлик учрашуви ўтказиш борасида Германия Бундеслигаси иштирокчиларидан баъзилари билан билан келишувга эришган. Булар "Штутгарт" ва айни дамда ЕЧЛ йўлланмасини қўлга киритиш учун кураш олиб бораётган "Вердер" клубларидир.
УЕФАнинг Кучли бешлигидан ўрин олган чемпионат иштирокчиларидан ташқари, Самаранинг "Крилья Советов" ва Чимкентнинг "Ордабаси" жамоаси "Пахтакор"нинг Туркиядаги спарринг рақиблари бўлади.
