«Атлетико»нинг янги ҳужумчиси Мусса Дембеле «Лион» дан Мадридга ўтиш ҳақидаги ҳис-туйғулари билан ўртоқлашди.

«Бу мен учун олдинга ташланган ажойиб қадам. »Атлетико« бутун дунёга танилган катта клубдир. Мен бу ерда эканлигимдан бахтлиман ва жамоавий машғулотларни кутиб ўтирмасдан якка тартибда ишлашни бошлаб юбордим.
Мен қандай футболчиман? Асосан гол урадиган ҳужумчи. Чунки бу менинг ишим. Мен тезкорликни, тўпга эгалик қилиш ва гол уришни яхши кўраман.

Шу билан бирга жисмонан кучли ва техникам ҳам бор. Фернандо Торрес болалигимда менинг севимли футболчим эди, шунинг учун бу эрда бўлганимдан хурсандман. Умид қиламанки, жамоа билан биргаликда кўп нарсаларга эришамиз» - дейди Дембеле.

Эслатиб ўтамиз, "Атлетико" Дембелени кейинчалик сотиб олиш ҳуқуқи билан 1,5 миллион эвро эвазига ижарага олган эди.