Мадрид клубида айни дам мураббий ва футболчилар ўртасидаги муносабатни ижобий деб бўлмайди. 

Айрим инсайдерларнинг маълум қилишича клуб базасида юзага келган салбий муҳитга жамоа бош мураббийи Зинедин Зидан бош сабабчи дея кўрилмоқда. Франциялик мутахассис бир неча кундан бери асосий таркибнинг баъзи футболчиларига умуман гапирмаган. Бу ҳолатни унинг раҳбарият ва ўйинчилар орасидаги ўз обрўсини йўқолаётгани билан ҳам баҳолаш мумкин.

Эслатиб ўтамиз "Реал" айни дамда ички чемпионатда иккинчи поғонани банд этиб турибди. Шунингдек, клуб мамлакат кубоги ва суперкубоги мусобақаларидан чиқиб кетган.