Жисмоний тарбия ва спорт вазирининг биринчи ўринбосари, Ўзбекистон футбол ассоциацияси биринчи-вице президенти Равшан Эрматов, МОҚ бош котиби Ойбек Касимов, шунингдек, бир қатор мутасадди ва мутахассислар Андижон вилоятига ташриф буюрди.
Сафар давомида ҳудудларда футбол билан мунтазам шуғулланиш, соғлом турмуш тарзи ҳамда спортни аҳоли ўртасида кенг тадбиқ этиш ҳамда футбол оммавийлигини ошириш бўйича амалга оширилаётган ишлар билан танишиб чиқти.
Мутахассислар Андижон шаҳри "Шўрбулоқ" даҳасида жойлашган футбол маҳорат мактаби ва бошқа туманларда спортга ва ҳусусан футболга яратилган шароитлар билан яқиндан танишди. Ёш футбол тарбияланувчиларининг машғулот жараёнини кузатиш баробарида, жойларда болалар-ўсмирлар футболига бўлган эътибор ҳамда имкониятларни кўздан кечирди. Инфратузилманинг талаб даражасига мос келиши борасида таклифлар билдирилди.
Равшан Эрматов Андижон вилоят ҳокими, вилоят футбол ассоциацияси президенти Шухратбек Абдураҳмоновга вилоятда футболни ривожлантиришда амалга ошираётган ишлари учун ЎФАнинг ташаккурномаси ва эсдалик совғаларини топширди.
Шунингдек вилоят футбол ассоциацияси моддий техник базасини яхшилаш ва унинг фаолиятини ОАВда кенг ёритилишини таъминлаш мақсадида ЎФА томонидан техник жиҳозлар ва зарур ўқув қўлланмалар тақдим этилди.
