Бундеслиганинг 18 туридан ўрин олган «Бавария» ҳамда «Шальке» жамоалари ўртасидаги баҳс, мюнхенликларнинг 4:0 ҳисобидаги, йирик ғалабаси билан якунланди. 

Ушбу учрашувда «қизиллар» посбони Мануэль Нойер ўз дарвозаси даҳлсизлигини сақлаб қолди ва қуруқ ўйинлар қайд этиш борасида афсонавий дарвозабон Оливер Каннинг 196 ўйинлик натижасини ортда қолдирган ҳолда чемпионат тарихига кирди.

Маълумот ўрнида, «Бавария» 18 ўйиндан сўнг, 42 очко жамғарган ҳолда Бундеслига турнир жадвалида пешқадамликни сақлаб турибди.