«Севилья» хавбеки Иван Ракитич мамлакат кубоги ярим финали "Барселона"га қарши учрашув олдидан ўз фикрларини билдирди. У собиқ жамоасига мабодо гол урса голини нишонлайдими?
«Мен сира ҳам бундай қилмайман. Чунки бу ерда менинг энг ёрқин хотираларим ўтган, қизим шу ерда туғилган. Шунингдек, менинг энг кўп дўстларим ҳам Барселонада.
Маҳаллий мухлисларнинг менга бўлган муносабати анча илиқ. Ҳатто мухлислар томонидан менга берилган махсус соврин ҳам бор. Гол нишонлаш анча ноқулай ҳолат бўлади», - дейди футболчи.
Эслатиб ўтамиз, Ракитич 2014 йили «Барселона»га айнан «Севилья»дан ўтган эди.
