«Челси»нинг марокашлик яримҳимоячиси Ҳаким Зиеш клубни тарк этмоқчи, дея хабар беради Corriere dello Sport
Яримҳимоячи ўзини фақат захира футболчиси сифатида кўрмоқда. Шу сабабли Зиеш ёзги трансфер ойнасида жамоасини ўзгартирмоқчи. Унга «Ювентус» ва «Милан» жамоалари қизиқиш билдирмоқда.
Агар Лондон жамоасида яримҳимоячининг мавқейи яхшиланмаса, Италия гигантлари ушбу вазиятдан фойдаланиб, Ҳакимни ўз клубларига жалб қилмоқчи.
Маълумот ўрнида, Зиеш 2020/2021 йилги мавсум «Челси» иштирокидаги барча мусобақаларда 19 ўйин ўтказиб, 2 гол ва 3 голли узатма муаллифига айланган.
Эслатиб ўтамиз, «Аристократлар» Хакимни 2020 йил ёзида «Аякс» дан 40 миллион евро эвазига сотиб олишган эди.
