“Festival Women’s Trophy 2021” халқаро турнирида қатнашиш мақсадида Анталия шаҳрига сафар қилган Ўзбекистон аёллар миллий терма жамоаси бугундан эътиборан машғулотларга киришди.

Кеча терма жамоа делегацияси Тошкент-Истанбул-Анталия ҳаво рейси орқали парвоз қилиб, маҳаллий вақт билан соат 14.30 да “The Sense De Luxe” меҳмонхонасига етиб келди ва коронавирусга тест топширди. Шу сабабли мураббийлар штаби футболчиларга дам беришга қарор қилди.

Бугун эрталаб Баҳром Норсафаров шогирдлари тўлиқ таркибда “Emir Hotels” спорт мажмуасида машғулот олиб борди. Тикланиш машқлари билан бошланган машғулотлар давомида футболчиларнинг техник ва тактик тайёргарлигига эътибор қаратилди.

Куннинг иккинчи ярмида Ўзбекистон аёллар миллий терма жамоаси Экватор Гвинеясига қарши ўтадиган эртанги учрашув олдидан расмий машғулот ўтказиши режалаштирилган.